ნიკა მელიამ შს მინისტრს მიმართა, მკაცრ კონტროლზე აიყვანოს საქმე, რომელიც მათი პარტიის წევრ ეკა წამალაშვილზე ფიზიკურ ანგარიშსწორებას ეხება

„ნაციონალური მოძრაობის“ ერთ-ერთმა ლიდერმა ნიკა მელიამ შინაგან საქმეთა მინისტრს მიმართა, მკაცრ კონტროლზე აიყვანოს საქმე, რომელიც მათი პარტიის წევრ ეკა წამალაშვილზე ფიზიკურ ანგარიშსწორებას ეხება.

როგორც მელიამ პარლამენტის რიგგარეშე სხდომაზე სიტყვით გამოსვლისას განაცხადა, „ნაციონალური მოძრაობის“ წევრებზე ძალადობა შს მინისტრმაც წაახალისა. მელიამ ხელისუფლებას და მმართველ გუნდს მოუწოდა, პატივი სცენ აზრთა სხვადასხვაობას.

„შინაგან საქმეთა მინისტრმა დაადასტურა, რომ მხოლოდ და მხოლოდ ქართული ოცნების შს მინისტრია. გააკეთა განცხადება, რომ არანაირი კონტაქტი და ყველაფერზე ნული რეაქცია გაკეთდება იმ ძალასთან მიმართებაში, რომელსაც „ნაციონალური მოძრაობა“ ჰქვია. შეგახსენებთ, „ნაციონალურმა მოძრაობამ“ ბოლო არჩევნების შედეგებით ნახევარი მილიონი ადამიანის მხარდაჭერა მიიღო. ეს არის პოლიტიკური დისკრიმინაცია და თქვენ, ყველაზე წამყვანი უწყების ხელმძღვანელს ძალიან კარგად უნდა გესმოდეთ, რა განცხადება გააკეთეთ და ასევე როგორ აუბით მხარი ამჟამინდელ პრემიერ-მინისტრს. ამიტომ ახლა მოგიწოდებთ, აიღეთ ტელეფონი ხელში და მკაცრ კონტროლზე აიყვანეთ სისხლის სამართლის საქმე, რომელიც ჩვენი პოლიტიკური გუნდის წევრს, ეკა წამალაშვილს უკავშირდება, რომელიც პირდაპირ ეთერში ფიზიკური თავდასხმის მსხვერპლი გახდა, თქვენი უპასუხისმგებლობის გამო. გაფრთხილებთ, ნუ ეთამაშებით ცეცხლს. პატივი ეცით ამ ქვეყანაში აზრთა სხვადასხვაობას, პატივი ეცით პლურალიზმს. ამ დარბაზში თქვენ ხართ უმრავლესობაში, მაგრამ ამან არ შეგაცდინოთ. ამ ქვეყანაში თქვენ არ ხართ უმრავლესობაში. ამ ქვეყანაში დაჩაგრული, შეწუხებული და ეკონომიკურად შეჭირვებული ადამიანი გაცილებით უფრო მეტია, ვიდრე თქვენ. რაც არ უნდა ბევრნი იყოთ, მარტო რომ დავრჩე აქ, ყველაფერს გავაკეთებ იმისთვის, რომ ხალხის ხმა ამ პარლამენტში ისმოდეს“, - განაცხადა ნიკა მელიამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს