არჩილ თალაკვაძე ოპოზიციას - ვხედავ, რომ ცდილობთ საქმიანობა შოუბიზნესში გააგრძელოთ, მაგრამ შოუბიზნესშიც ძალიან დიდი კონკურენციაა

უნდა დაიჯეროთ, რომ თქვენი პოლიტიკური პარტია რეალურ პოლიტიკაში აღარ არის. ვხედავ, რომ ცდილობთ საქმიანობა შოუბიზნესში გააგრძელოთ, მაგრამ დაიმახსოვრეთ, რომ შოუბიზნესშიც ძალიან დიდი კონკურენციაა, - აღნიშნული განცხადებით პარლამენტის პლენარულ სხდომაზე ფრაქცია ”ნაციონალური მოძრაობის” წევრებს უმრავლესობის ლიდერმა არჩილ თალაკვაძემ მიმართა.

თალაკვაძემ საპარლამენტო ოპოზიციის ბრალდებების პასუხად, წინა ხელისუფლების მმართველების სისტემა გააკრიტიკა და განაცხადა, რომ ”ნაციონალური მოძრაობის” ხელისუფლებაში ყოფნის პერიოდში იყო ელიტური კორუფცია, ხალხს ართმევდნენ საკუთრებას და ამ საკუთრების დაბრუნებაში ართმევდნენ ფულს.

”კიდევ თუ რამე ჰქონდათ დარჩენილი, იმას დაჭერის შემდეგ ართმევდით, ციხეში აწამებდით და ცემდით. მანქანები, უძრავი ქონება გაგქონდათ და გამოგქონდათ, უნგრევდით სახლებს - ყველა ამ საქმეზე დაწყებულია გამოძიება”, - მიმართა არჩილ თალაკვაძემ ”ნაციონალური მოძრაობის” და ”ევროპული საქართველოს” წევრებს.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 20.08.2019
გავლენის ოპერაციები ანუ „მკვლელობათა ჯაჭვი“