პროფსასწავლებლების პოპულარიზაციის მიზნით განათლების სამინისტრო სპეციალურ კამპანიას ჩაატარებს

პროფესიული სასწავლებლების პოპულარიზაციის მიზნით განათლების სამინისტრო სპეციალურ კამპანიას ჩაატარებს. როგორც განათლების მინისტრობმა მიხეილ ჩხენკელმა განაცხადა, ამ კამპანიის მიზანი, პირველ რიგში, იქნება მშობლებისა და შვილების დარწმუნება, რომ პროფესიული სასწავლებლიდან სრულიად შესაძლებელია წარმატებული კარიერისა და კარგი ანაზღაურების მიღწევა.

”რამდენიმე დეპუტატს ჰქონდა შეკითხვა პროფესიულ განათლებასთან დაკავშირებით. ვისარგებლებ შემთხვევით და პროფესიულ განათლებასთან დაკავშირებით გავაკეთებ კომენტარს. პროფესიული განათლება იქნება ჩვენი სამინისტროს ერთ-ერთი მთავარი პრიორიტეტი. მთავარი გამოწვევა ამ მიმართულებით არის ფსიქოლოგიური ხასიათის. საქმე მდგომარეობს იმაში, რომ ოჯახების უმრავლესობა, მშობლები, ფიქრობენ, რომ მათი შვილები აუცილებლად უნდა იყვნენ უნივერსიტეტებში, უმაღლეს სასწავლებლებში იმისთვის, რომ წარმატებული კარიერა და კარგი ანაზღაურება ჰქონდეთ. რეალურად, ასე არ არის და ამას მსოფლიო გამოცდილება აჩვენებს. იმისთვის, რომ დავძლიოთ ეს ფსიქოლოგიური ბარიერი, შემუშავებული გვაქვს კამპანია”, - განაცხადა ჩხენკელმა.

პარლამენტის გუშინდელ რიგგარეშე სხდომაზე ჩხენკელმა ამ კამპანიის სამი ძირითადი მიმართულებაც ჩამოთვალა: ”ამ კამპანიას სამი მთავარი მიმართულება აქვს: 1. ინფორმირებულება - ამაში ჩვენი უცხოელი პარტნიორები დაგვეხმარებიან. თითოეულ ოჯახამდე მივიტანთ ინფორმაციას, რომელიც მათ თვალნათლივ დაანახებს პროფესიული განათლების უპირატესობებს და პლუსებს. მაგალითად, ავიღოთ გერმანიის მოდელი. გერმანიის საგანმანთლებლო სისტემის ერთ-ერთი მთავარი ბურჯი არის პროფესიული განათლება. კონკრეტული მაგალითების ჩვენებით, ჩვენ დიდი იმედი გვაქვს, რომ შევძლებთ მშობლების და მათი შვილების დარწმუნებას, რომ ადამიანს შეუძლია ჰქონდეს ღირსეული კარიერა, ღირსეული სამსახური შესაბამისი ანაზღაურებით, როდესაც ის დაამთავრებს პროფესიულ კოლეჯს. ჩვენთან საქართველოში უკვე გვაქვს ძალიან წარმატებული პროფესიული კოლეჯები. მაგალითად არის ”სპექტრი” და არის სხვა მრავალიც. აქაც გვაქვს კონკრეტული მაგალითები და გვინდა ეს კონკრეტული მაგალითები ვაჩვენოთ ჩვენს სტუდენტებს, რომ კონკრეტულმა კურსდამთავრებულმა პროფესიული კოლეჯის დასრულების შემდეგ მიაღწია წარმატებას. დარწმუნებული ვარ ეს შედეგს მოიტანს;

2. უნივერსიტეტების ბაზაზე მოხდება პროფესიული პროგრამების დანერგვა. ჩვენ გვინდა, ზოგადად, დავამკვიდროთ უმაღლესი პროფესიული განათლების კონცეფცია. ასევე, ჩვენ საშუალებას მივცემთ უმაღლეს სასწავლებლებს, რომ აღიარონ ის საგანმანთლებლო კრედიტები, რომელიც კურსდამთავრებულს ექნება პროფესიული კოლეჯის გავლის შემდეგ. ასე რომ, მაქსიმალურად გამარტივებული იქნება სტუდენტისთვის, თუ მას სურვილი ექნება, გააგრძელოს სწავლა ბაკალავრიატში. ამას აუცილებლად გავაკეთებთ და იმედია ესეც მოხსნის ფსიქოლოგიურ ბარიერს - სტუდენტი რეალურად იქნება უნივერსიტეტში და გაივლის პროფესიულ პროგრამას.

3. ჩვენ უკვე გვქონდა საუბრები კერძო ბიზნესის წარმომადგენლებთან და ვგეგმავთ, რომ კერძო ბიზნესების ბაზაზე შეიქმნას პროფესიული კოლეჯები. მაგალითად, ავიღოთ სამშენებლო კომპანია. მის ბაზაზე თუ შეიქმნება პროფესიული კოლეჯი იმ გარანტიით, რომ საუკეთესო კურსდამთავრებულებს ეს კომპანია შესთავაზებს სამუშაოს, რაშიც თვითონ კომპანიებიც დაინტერესებულები არიან, ყველა მოიგებს ამ მოდელით. ესეც იქნება საშუალება, რომ ყველამ მკაფიოდ დაინახოს კავშირი პროფესიულ განათლებასა და დასაქმებას შორის”, - განაცხადა ჩხენკელმა.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)