შს მინისტრი - არავინ აბრუნებს მანდატურებს ისეთი სახით, როგორიც იყო, საპატრულო პოლიციას კი სკოლაში არაფერი ესაქმება

არავინ აბრუნებს მანდატურებს ისეთი სახით, როგორიც იყო, საპატრულო პოლიციას კი სკოლაში არაფერი ესაქმება, - ამის შესახებ შს მინისტრმა  გიორგი გახარიამ პარლამენტის რიგგარეშე პლენარულ სხდომაზე განაცხადა, სადაც მთავრობისთვის ნდობის გამოცხადების საკითხს განიხილავენ.

მისი თქმით, მთავარი ცვლილებები დაგეგმილია მანდატურის ინსტიტუტის დაქვემდებარების მიმართულებით, ვინაიდან ინტერესთა კონფლიქტია, მანდატური სკოლის დირექტორს ექვემდებარებოდეს.

„მანდატურების ეფექტურობის გაზრდის მიმართულებით წამოწყებულმა ინიციატივებმა გაურკვეველი სპეკულაციები გამოიწვია. პირველი - არავინ აბრუნებს მანდატურებს ისეთი სახით, როგორიც იყო; მეორე - არაფერი ესაქმება საპატრულო პოლიციას სკოლაში; მესამე - რეალურად ყველაზე მნიშვნელოვანი გახლავთ ის, რომ უწყებათაშორის კომისიაში ფაქტობრივად უკვე ჩამოყალიბებული აქვს ის ნაბიჯები, რომელიც აუცილებელია, რომ გაიზარდოს მანდატურების ეფექტურობის ხარისხი და უახლოეს პერიოდში იქნება პარლამენტში წარმოდგენილი. აქ ყველაზე მნიშვნელოვანი გახლავთ მათი დაქვემდებარებულობის საკითხი. მანდატური არ უნდა ექვემდებარებოდეს სკოლის დირექტორს, უბრალოდ ინტერესთა კონფლიქტია. ამასთან, დღევანდელი კანონდებლობით მანდატური შეუძლია გახდეს საშუალო განათლების მქონე ახალგაზრდა 20 წლიდან, რაც უბრალოდ არალოგიკურია, ამიტომ მსგავსი ტექნიკური ჩასწორებები ბევრი იქნება“, - განაცხადა გახარიამ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!