დეპუტატი ზაქარია ქუცნაშვილი პარლამენტის თავმჯდომარეს მთავრობისთვის ნდობის გამოცხადების პროცედურის შეცვლის წინადადებით მიმართავს. ამ ინიციატივით ქუცნაშვილი პარლამენტის რიგგარეშე სხდომაზე გამოვიდა.

”ჩვენ უნდა ვიფიქროთ ნდობის გამოცხადების პროცედურების დახვეწაზე. ასე გადარბენით, არაადამიანურ რეჟიმში მუშაობით, როცა ორი დღე და ღამე ვმუშაობთ და გვიჭირს კიდევ უფრო ღრმა დისკუსიაში შესვლა, ხომ არ ვიფიქროთ პარლამენტის რეგლამენტის შეცვლაზე, რომ მთავრობისათვის ნდობის გამოცხადება იყოს სულ მცირე ერთკვირიანი, ათდღიანი პროცესი, როგორც ეს არის ევროპის სახელმწიფოებში და აშშ-ს კონგრესსა და სენატში, რათა შეგვეძლოს დავდოთ კონტრაქტი განახლებულ მთავრობასთან და შეგვეძლოს ამ კონტრაქტის საფუძველზე შედეგების გაზომვა. ანალოგიები ძალიან ბევრია”, - განაცხადა ზაქარია ქუცნაშვილმა პარლამენტის სხდომაზე.