თბილისში, ბერი გაბრიელ სალოსის ქუჩაზე ავტომანქანის დაჯახების შედეგად ქვეითად მოსიარულე ქალი გარდაიცვალა. შემთხვევა დღეს დილით მოხდა.

როგორც „ინტერპრესნიუსს“ შინაგან საქმეთა სამინისტროში განუცხადეს, გამოძიება სისხლის სამართლის კოდექსის 276-ე მუხლის მე-5 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

შსს-ს ცნობით, მომხდართან დაკავშირებით საგამოძიებო მოქმედებები მიმდინარეობს.