მორჩით ევროპაში დესტაბილიზაციის შეტანას, - ასეთი განცხადება გააკეთა დიდი ბრიტანეთის საგარეო საქმეთა მინისტრმა, ბორის ჯონსონმა რუსეთში საქმიანი ვიზიტით გამგზავრებამდე.
„რუსეთთან ურთიერთობა ვერ იქნება „საქმიანობა როგორც ყოველთვის“, მაშინ როცა რუსეთი განაგრძობს ევროპის ქვეყნებში, მათ შორის უკრაინაში დესტაბილიზაციას. არც ერთი წამით არ მჯერა, რომ რუსეთთან ურთიერთობების გადატვირთვა შესაძლებელია“, - განაცხადა ჯონსონმა.
თუმცა, განცხადებაში ასევე ხაზგასმულია ორ ქვეყანას შორის ურთიერთობების მნიშვნელობა, რათა გლობალური მნიშვნელობის საკითები გადაიჭრას.
დიდი ბრიტანეთის საგარეო საქმეთა მინისტრი დღეს მოსკოვში თავის რუს კოლეგას შეხვდება, მოსკოვსა და ლონდონს შორის წლების განმავლობაში არსებული დაძაბული ურთიერთობების შემდეგ. ბორის ჯონსონი არ ელოდება ურთიერთობების განსაკუთრებულ შემობრუნებას, „რამდენადაც რუსეთი განაგრძობს ევროპის სხვადასხვა ქვეყნების პოლიტიკურ პროცესებში ჩარევას“.