აფხაზეთიდან გადმოსვენებულ მიხეილ ჯინჭარაძის ნეშტს დიღმის ძმათა სასაფლაოზე დაკრძალავენ

ოკუპირებული აფხაზეთიდან გადმოსვენებული აფხაზეთის უმაღლესი საბჭოს დეპუტატისა და გაგრის ადმინისტაციის უფროსის ყოფილი მოადგილის, მიხეილ ჯინჭარაძის ცხედარს, ხვალ, თბილისში, დიღმის ძმათა სასაფლაოზე დაკრძალავენ.

აფხაზეთის ა/რ მთავრობის ინფორმაციით, ჯინჭარაძის სამოქალაქო პანაშვილი, დღეს ქაშუეთის ტაძარში გაიმართება.

„მისი გადმოსვენება ოჯახის სურვილი იყო. ჩვენ საორგანიზაციო საკითხებში დავეხმარეთ. იგი 1992 წლის 2 ოქტომბერს, გაგრაში მიმდინარე ბრძოლების დროს დაიღუპა“, - აცხადებენ უწყებაში.

მიხეილ ჯინჭარაძის ცხედარი დღეს ენგურის ხიდზე გადმოასვენეს. ენგურის ხიდზე იმყოფებოდნენ ოჯახის წევრები და აფხაზეთის ლეგიტიმური მთავრობის წარმომადგენლები.