გიორგი ტყემალაძე საბავშვო ბაგა-ბაღებთან დაკავშირებულ ინიციატივაზე - ამ ეტაპზე აღნიშნულ საკითხზე არანაირი კონცეფცია არ არსებობს

თბილისის საკრებულოს თავმჯდომარე გიორგი ტყემალაძე პრემიერ-მინისტრის გიორგი კვირიკაშვილის მიერ საბავშვო ბაგა-ბაღებთან დაკავშირებულ ინიციატივას გამოეხმაურა, რომლის მიხედვითაც შეძლებული ოჯახებისთვის საბავშვო ბაღები შესაძლოა ფასიანი გახდეს.

როგორც „ინტერპრესნიუსს“ თბილისის საკრებულოდან აცნობეს, საკრებულოს სხდომაზე ოპოზიციის მიერ ამ თემაზე დასმულ კითხვასთან დაკავშირებით გიორგი ტყემალაძემ განაცხადა, რომ ამ ეტაპზე აღნიშნულ საკითხზე არანაირი კონცეფცია არ არსებობს. მისი თქმით, მაღალანაზღაურებადი მშობლის შვილი და სოციალურად დაუცველი ბავშვი შესაძლოა ერთნაირ პირობებში არ იყვნენ და პრემიერ-მინისტრის განცხადებაშიც სწორედ ეს იყო ნათქვამი. როგორც გიორგი ტყემალაძემ განაცხადა, თუ აღნიშნულ საკითხზე მუშაობა დაიწყება, გადაწყვეტილება იმ ადამიანების სასარგებლოდ იქნება მიღებული, რომლებსაც ამის საჭიროება ყველაზე მეტად აქვთ.

„ჩვენ მივდივართ იქით, რომ ბაღი ყველასათვის ხელმისაწვდომი და მაღალი სტანდარტების შესაბამისი იყოს“, - აღნიშნა გიორგი ტყემალაძემ.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს