დონალდ ტრამპი საშობაო არდადეგებზე „ძალიან სერიოზულად მუშაობას“ აპირებს

აშშ-ს პრეზიდენტი დონალდ ტრამპი საშობაო არდადეგების დროს სერიოზულად აპირებს მუშაობას და ჩრდილოეთ კორეასა და „ისლამურ სახელმწიფოსთან“ დაკავშირებულ ვითარებას დააკვირდება.

ფლორიდაში გამგზავრებამდე, სახელმწიფოს მეთაურმა თეთრ სახლში რამდენიმე კანონს ხელი მოაწერა. შემდეგ კი ჟურნალისტებს განუცხადა, რომ შვებულების დროს ძალიან სერიოზულად მუშაობას გეგმავს.

„ძალიან ბევრი სერიოზული საკითხი გვაქვს, რომლებსაც განვიხილავთ, მათ შორის ჩრდილოეთ კორეა და „ისლამური სახელმწიფო“მ - განაცხადა ტრამპმა.

მანვე ყურადღება გაამახვილა უდიდეს პროგრესზე, რომლის მიღწევაც, მისი აზრით, ავღანეთში მოხერხდა.