ოკუპირებული აფხაზეთიდან გადმოსვენებული აფხაზეთის უმაღლესი საბჭოს დეპუტატისა და გაგრის ადმინისტაციის უფროსის ყოფილი მოადგილის, მიხეილ ჯინჭარაძის ცხედარს, დღეს, თბილისში, დიღმის ძმათა სასაფლაოზე დაკრძალავენ.

აფხაზეთის ა/რ მთავრობის ინფორმაციით, მისი გადმოსვენება ოჯახის სურვილი იყო. „ჩვენ საორგანიზაციო საკითხებში დავეხმარეთ. იგი 1992 წლის 2 ოქტომბერს, გაგრაში მიმდინარე ბრძოლების დროს დაიღუპა“, - აცხადებენ უწყებაში.

მიხეილ ჯინჭარაძის ცხედარი გუშინ ენგურის ხიდზე გადმოასვენეს. ენგურის ხიდზე იმყოფებოდნენ ოჯახის წევრები და აფხაზეთის ლეგიტიმური მთავრობის წარმომადგენლები.