გლდანის პარკში წინასაახალწლო კონცერტი გაიმართება

გლდანის გამგეობის ორგანიზებით, გლდანის პარკში, დღეს, წინასაახალწლო კონცერტი გაიმართება. როგორც „ინტერპრესნიუსს“ თბილისის მერიიდან აცნობეს, ღონისძიების ფარგლებში, ანიმაციური გმირები, თოჯინების თეატრი, ილუზიონისტები, მუსიკალური და ქორეოგრაფიული ნომრები და საცირკო სანახაობა იქნება წარმოდგენილი. დღის ბოლოს კი, კონცერტი გაიმართება, რომელშიც მონაწილეობას გიორგი სუხიტაშვილი, მაკა ზამბახიძე, სალომე ბაკურაძე, ელენე კალანდაძე, ოთო ნემსაძე და ბენდი „რეზო და ბავშვები“ მიიღებენ.