გაერო-ს უშიშროების საბჭომ ჩრდილოეთ კორეასთან მიმართებაში სანქციების გამკაცრებაზე რეზოლუცია ერთხმად მიიღო
გაერო-ს უშიშროების საბჭომ ჩრდილოეთ კორეასთან მიმართებაში სანქციების გამკაცრებაზე რეზოლუცია ერთხმად მიიღო.
აღნიშნული რეზოლუცია წარმოადგენს გაერო-ს უშიშროების საბჭოს პასუხს ფხენიანის მიერ 29 ნოემბერს განხორციელებულ სარაკეტო გამოცდაზე.
გაერო-ს უშიშროების საბჭოს მიერ მიღებული რეზოლუცია ამკაცრებს შეზღუდვებს ნავთობის და მისი გადამუშავებიდან მიღებული პროდუქტების მიწოდებაზე ჩრდილოეთ კორეისთვის.
რეზოლუციის მიხედვით, ჩრდილოეთ კორეაში ნავთობის მიწოდება წელიწადში ოთხ მილიონ ბარელამდე იქნება შეზღუდული, ხოლო ნავთობპროდუქტები კი 500,000 ბარელამდე.
გარდა ამისა, გაერო-ს უშიშროების საბჭომ ქვეყნებისგან მოითხოვა ჩრდილოეთ კორეელი მუშების თავიანთი ტერიტორიიდან გაძევების პროცესის დაწყება. აშშ-ს ხელისუფლების მონაცემებით, ყოველ წელს ჩრდილოეთ კორეის ბიუჯეტი ემიგრანტებისგან გადარიცხვის სახით 500 მილიონ აშშ დოლარს იღებს.
