ამერიკელი სენატორი - მადარდებს ის, რომ ჩვენი გადამხდელების ფულს ვუგზავნით გაერო-ს, რომელიც ბოროტების წინაშე სუსტია

„რესპუბლიკელმა“ სენატორმა ლინდსი გრემმა განაცხადა, რომ 2018 წელს აშშ-ის კონგრესი გაერო-სთვის ამერიკელი გადამხდელების ფულის გაგზავნის საკითხს განიხილავს.

აღნიშნულით სენატორი გაერო-ს გენერალური ასამბლეის მიერ იერუსალიმის საკითხზე ანტიამერიკული რეზოლუციის მიღებას გამოეხმაურა.

„არ მადარდებს, როდესაც გაერო უკმაყოფილებას გამოთქვამს ამერიკის საგარეო პოლიტიკის გადაწყვეტილებებით, თუმცა მადარდებს, როდესაც ამერიკელი გადამხდელების დოლარებს ვუგზავნით გაერო-ს, რომელიც არაეფექტურია, სუსტია ბოროტების წინაშე და რომელშიც მზარდი ანტისემიტიზმია. ამ საკითხებს 2018 წელს მივხედავთ“, - დაწერა სენატორმა ლინდსი გრემმა.

21 დეკემბერს, გაერო-ს გენერალურმა ასამბლეამ საგანგებო სხდომაზე 128 ხმით მიიღო რეზოლუცია, რომელიც აშშ-ს მოუწოდებს, უკან წაიღოს გადაწყვეტილება იერუსალიმის ისრაელის დედაქალაქად აღიარებისა და საელჩოს იერუსალიმში გადატანის თაობაზე.

აღნიშნულ რეზოლუციას მხარი არ დაუჭირა 9 ქვეყანამ: გვატემალამ, ისრაელმა, მარშალის კუნძულებმა, პალაუმ, ტოგომ, მიკრონეზიამ, ნაურუმ, ჰონდურასმა და აშშ-მ. 35 ქვეყანამ კი თავი შეიკავა კენჭისყრისას.

აღსანიშნავია, რომ კენჭისყრისას საქართველოს დელეგაცია დარბაზში არ იმყოფებოდა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს