”ნაციონალური მოძრაობის” ორგანიზებით, ზუგდიდში, მიხეილ სააკაშვილის დევნის შეწყვეტის მოთხოვნით ხელმოწერების შეგროვება გრძელდება

„ერთიანი ნაციონალური მოძრაობის“ ადგილობრივი ოფისის ორგანიზებით, ზუგდიდის ცენტრალურ ბაზარში, საქართველოს ყოფილი პრეზიდენტის, მიხეილ სააკაშვილის პოლიტიკური დევნის შეწყვეტის მოთხოვნით ხელმოწერებს აგროვებენ.

პარტიის ზუგდიდის ორგანიზაციის ხელმძღვანელის ანა წითლიძის თქმით, სამი დღის განმავლობაში ზუგდიდის მასშტაბით უკვე 5 000-ზე მეტი ხელმოწერა შეგროვდა.

„ხელმოწერების შეგროვება ხდება იმ მიზნით, რომ შეწყდეს საქართველოს მესამე პრეზიდენტსა და ყველა პოლიტპატიმარზე პოლიტიკური დევნა, რადგან ეს ქვეყნის დემოკრატიული განვითარებისთვის აუცილებელია“, - აღნიშნა წითლიძემ.

„ერთიანი ნაციონალური მოძრაობის“ ზუგდიდის ორგანიზაციამ საქართველოს ექსპრეზიდენტის მიმართ პოლიტიკური დევნის შეწყვეტის მოთხოვნით ხელმოწერების შეგროვება 19 დეკემბერს დაიწყო.