ზუგდიდის ცენტრალური ბაზრის ნაწილი ისევ დაიტბორა

ზუგდიდის ცენტრალური ბაზრის ნაწილი კვლავ დაიტბორა. მოვაჭრეები ბაზრის ადმინისტრაციისგან დახმარებას მეორე დღეა ითხოვენ.

"დღეს უარესი მდგომარეობაა, ვერ ვმუშაობთ. ასეთ წყალში ვინ შემოვა პროდუქტის საყიდლად? უშედეგოდ ვითხოვთ დახმარებას, არავინაა ჩვენი მშველელი. ბაზრის დირექტორი ამბობს, ჩემი ტეროტორია არ არისო, აბა ვისი ტერიტორიაა, ვის ეკუთვნის ეს ბაზარი გვითხრას. მარტო კომუნალურების აკრეფის დროს არის ადმინისტრაციის", - აცხადებენ მოვაჭრეები.

დატბორილი ბაზრის ნაწილი დღეს "ნაციონალური მოძრაობის" ზუგდიდის ორგანიზაციის ხელმძღვანელმა ანა წითლიძემ მოინახულა.

"ეს პრობლემა მათ შარშანაც ჰქონდათ და ჯერ კიდევ მაშინ ვითხოვდით, რომ იქ არსებული კანალიზაციის პრობლემა მოეგვარებინათ. ახლა უარესი მდგომარეობა აქვთ და ზუგდიდის მერიას ამაზე არ აქვს რეაგირება. როგორც ვხედავ, ბაზრის ადმინისტრაცია და მერია ერთმანეთს აბრალებენ",- თქვა წითლიძე.

ზუგდიდის მერიაში აცხადებენ, რომ ეს კერძო საკუთებაა, თუმცა მოქალაქეების ინტერესებიდან გამომდინარე ზედამხედველობის სამსახურის წარმომადგენლები აღნიშნულ ტერიტორიას მონახულებენ და შეძლებისაგვარად დაეხმარებიან.

ამასთან, ბაზრის დირექტორი გია კანკია ამბობს, რომ ის ტერიტორია მას არ ეკუთვნის და კანალიზაციის გაწმენდა მის კომპეტენციაში არ არის.

აღნიშნულ ტერიტორიაზე საკანალიზაციიო მილების გაწმენდას საქართველოს გაერთიანებული წყალმომარაგების კომპანია განახორციელებს. როგორც კომპანიაში "ინტერპრესნიუსს" განუცხადეს, ბაზრის შიდა ტერიტორია მათი პრეროგატივა არ არის, თუმცა დახმარება სთხოვეს და ამ წუთებში შესაბამისი ტექნიკის მობილიზება ხდება. ბაზრის ნაწილს აღნიშნული პრობლემა გუშინაც ჰქონდა. წყლის ნაკადი საკანალიზაციო მილმა ვერ გაატარა, რამაც ბაზრის ტერიტორიის დატბორვა გამოიწვია.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს