ზაზა გაბუნია - გეგმები არის ამბიციური, რომელიც თვითმმართველობის რეფორმის გაგრძელებას გულისხმობს

პარლამენტის რეგიონული პოლიტიკისა და თვითმმართველობის კომიტეტის თავმჯდომარის, ზაზა გაბუნიას განცხადებით, თვითმმართველობის რეფორმის უკეთესი მუშაობისთვის 24 - საათიან რეჟიმში აპირებს იმუშავოს.

„მადლობა პარლამენტს გამოცხადებული ნდობისთვის, ეს ძალიან მნიშვნელოვანი მიმართულებაა. ეს არის სტრატეგიული ხაზი ჩვენი სახელისუფლებო პროგრამის. თვითმმართველობა ყოველთვის იყო ჩემი საქმიანობის ერთ–ერთი მთავარი საკითხი. გეგმებიც არის ამბიციური, რომელიც თვითმმართველობის რეფორმის გაგრძელებას გულისხმობს. ამოცანები არის დიდი, მათ შორს რეგიონების განვითარების და გვაქვს მნიშვნელოვანი პროგრამები. ვაპირებ, 24 საათის განმავლობაში ვიმუშავო ამ საკითხებზე და მაქვს იმედი, გვექნება გაცილებით მაღალი სტანდარტის და შედეგობრივად მნიშვნელოვანი თითმმართველობის რეფორმა და რეგიონებში ცხოვრების მაღალი დონე“, - განაცხადა ზაზა გაბუნიამ.

პარლამენტის რეგიონული პოლიტიკისა და თვითმმართველობის კომიტეტის თავმჯდომარე დეპუტატი ზაზა გაბუნია გახდა. პლენარულ სხდომაზე გაბუნიას მხარი 80-მა დეპუტატმა დაუჭირა, წინააღმდეგი კი არავინ იყო.

აღნიშნული თანამდებობა პარლამენტში ვაკანტური მას შემდეგ გახდა, რაც გრიგოლ ლილუაშვილმა პარლამენტიდან სახელმწიფო უსაფრთხოების სამსახურში გადაინაცვლა და სუს-ის უფროსის მოადგილის პოსტი დაიკავა.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 24.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში