რუსთავში ქანდაკება დააზიანეს

რუსთავში მორიგი ვანდალიზმის ფაქტი დაფიქსირდა. დაუდგენელმა პირმა კოსტავას გამზირზე განთავსებული ბიჭუნას ქანდაკება დააზიანა. ქანდაკებას ქვედა კიდურები კოჭთან აქვს გადახერხილი.

ქანდაკების ავტორი მოქანდაკე მანუჩარ ოქროსცვარიძეა. ის ზაფხულში, რუსთავში მოქანდაკეთა საერთაშორისო სიმპოზიუმის ფარგლებში შეიქმნა.

კოსტავას გამზირზე ეს ვანდალიზმის პირველი შემთხვევა არ არის. რამდენიმე თვის წინ, ახლად რეაბილიტირებულ ქუჩაზე წყლის შადრევნები, ურნები დააზიანეს და შენობების ფასადებზე შავი საღებავებით წარწერები გააკეთეს.