ადვოკატთა ასოციაციის ახალი თავმჯდომარე დავით ასათიანი გახდა. სპორტის სასახლეში ხმის დათვლის პროცედურა რამდენიმე წუთის წინ დასრულდა. ადვოკატთა ასოციაციამ დავით ასათიანი თავმჯდომარის თანამდებობაზე 4 წლის ვადით აირჩია.
ადვოკატთა ასოციაციის არჩევნების მეორე ტურში მონაწილეობა 953-მა ადვოკატმა მიიღო, რომელთა უმრავლესობამ არჩევანი დავით ასათიანის სასარგებლოდ გააკეთა.
რაც შეეხება ასათიანის კონკურენტს, ლევან ჯანაშიას, მიუხედავად იმისა, რომ მან არჩევნების მეორე ტურს ბოიკოტი გამოუცხადა, 23 ხმა მიიღო. აღსანიშნავია, რომ 953 ბიულეტენიდან ბათილად 8 სცნეს.