„მაჩეტეთი“ შეიარაღებულმა მამაკაცმა ამერიკაში რვა ადამიანი დაჭრა

ლოს ანჯელესში, კანოგა-პარკის რაიონში სახეზე აირწინაღითა და „მაჩეტეთი“ შეიარაღებული უცნობი მამაკაცი ადამიანებს თავს დაესხა. ამის შესახებ ადგილობრივი მედია იუწყება.

ადგილზე პოლიცია გამოიძახეს, რომელმაც დამნაშავეს ცეცხლი გაუხსნა. უცნობი მამაკაცი დაჭრილია. მანამდე კი მან რვა ადამიანი ცივი იარაღით დაჭრა.

ამ დროისთვის ინციდენტის დეტალები ზუსტდება.