ზუგდიდში ხანძრის შედეგად ორსართულიანი სახლის უმეტესი ნაწილი დაიწვა

ზუგდიდში, პუშკინის ქუჩაზე ორსართულიან სახლს ცეცხლი გაუჩნდა. ხანძარი დილით გაჩნდა. საგანგებო სიტუაციების მართვის სააგენტოს ინფორმაციით, სახლის უმეტესი ნაწილი დამწვარია. ადგილზე მობილიზებული იყვნენ სახანძრო-სამაშველო სამსახურის თანამშრომლები. ამ დროისთვის ცეცხლი ლიკვიდირებულია.

საქართველოს შინაგან საქმეთა სამინისტროში გამოძიება 188-ე მუხლით დაიწყო, რაც გაუფრთხილებლობით ნივთის დაზიანებას ან განადგურებას გულისხმობს.