მეუფე შიო - ჩვენი პატრიარქი, როგორც მოსე წინასწარმეტყველი, 40 წლის განმავლობაში მიუძღვის ჩვენს ერს აღთქმული ქვეყნისკენ

ჩვენი პატრიარქი, როგორც მოსე წინასწარმეტყველი, 40 წლის განმავლობაში მიუძღოდა და მიუძღვის ჩვენს ერს აღთქმული ქვეყნისკენ, - ამის შესახებ სრულიად საქართველოს კათოლიკოს-პატრიარქის მოსაყდრემ, მეუფე შიომ სამების საკათედრო ტაძარში, საკვირაო ქადაგებისას განაცხადა.

"ხვალ არის დიდი დღესასწაული ჩვენი ერისა და ეკლესიის - არის 40 წლის იუბილე ჩვენი კათოლიკოს-პატრიარქის, უწმინდესისა და უნეტარესი ილია მეორის აღსაყდრებიდან. დღეს კიდევ ერთხელ ვსარგებლობ შემთხვევით და ვულოცავ ჩვენს ძვირფას პატრიარქს ამ დღეს, რამეთუ იგი 40 წლის განმავლობაში და მანამდეც, როდესაც მღვდელმთავარი იყო, მიუძღოდა და მიუძღვის ჩვენს ერს, როგორც მოსე წინასწარმეტყველი, აღთქმული ქვეყნისკენ, უფლისკენ, სწორედ უფლის სიხარულში, უფლის სერობაში მონაწილეობისკენ. ამიტომ ვუსურვოთ დღეგრძელობა, სიხარული, გამარჯვებები და მასთან ერთად მოვესწროთ მრავალ გამარჯვებას ჩვენი ერისა, ეკლესიისა და ჩვენს გამთლიანებას", - განაცხადა მეუფე შიომ.

პატრიარქის აღსაყდრების იუბილესთან დაკავშირებით სამების საკათედრო ტაძარში დღეს ლოცვა აღევლინება, ხვალ კი საზეიმო წირვა სვეტიცხოვლის საპატრიარქო ტაძარში ჩატარდება.

იხილეთ ვიდეო: ”მეუფე შიო - ჩვენი პატრიარქი, როგორც მოსე წინასწარმეტყველი, 40 წლის განმავლობაში მიუძღვის ჩვენს ერს აღთქმული ქვეყნისკენ”

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს