გარდაბნის მუნიციპალიტეტის სოფელ კუმისის მიმდებარე ტერიტორიაზე, ავტომაგისტრალზე მომხდარ ავტოსაგზაო შემთხვევას, მამაკაცის სიცოცხლე ემსხვერპლა. ავარია წუხელ, გვიან ღამით მოხდა.

როგორც ,,ინტერპრესნიუსს" შსს-ში განუცხადეს, შუახნის მამაკაცი გზაზე ფეხით გადაადგილდებოდა, რა დროსაც მას მსუბუქი ავტომობილი დაეჯახა.

დაშავებული სასწრაფო სამედიცინო დახმარების ბრიგადამ საავადმყოფოში გადაიყვანა, სადაც ის მოგვიანებით გარდაიცვალა. სისხლის სამართლის საქმე 276-ე მუხლის პირველი ნაწილითაა აღძრული და მიმდინარეობს გამოძიება.