კიევის ცენტრში მიხეილ სააკაშვილის მოწინააღმდეგეები შეიკრიბნენ

კიევის ცენტრში დამოუკიდებლობის მონუმენტთან ახლოს მიმდინარეობს მიხეილ სააკაშვილის ყოველკვირეული საპროტესტო აქციების საწინააღმდეგო შეკრება, სახელწოდებით „ყავა კრეშატიკზე“.

გამოცემა „უკრაინსკაია პრავდას“ ინფორმაციით, აქციის მონაწილეებმა შეკრებაზე ჩაი და ორცხობილები მიიტანეს. ადგილზე რამდენიმე ასეული ადამიანია შეკრებილი. იქვე მდებარე სავაჭრო ცენტრიდან გადმოკიდეს პლაკატი, წარწერით: „მიშა საქართველოში, პეტია - გაგაუზიაში“.

ამ აქციას „ფეისბუქის“ პირად გვერდზე უკვე გამოეხმაურა ოდესის ექსგუბერნატორი მიხეილ სააკაშვილი და განაცხადა, რომ ეს არის უკრაინის პრეზიდენტის მიერ მოწყობილი ანტიმაიდანი და მომხრეებს მოუწოდა, პროვოკაციებს არ აჰყვნენ. მისივე თქმით, თავისი პრეზიდენტობის პერიოდში, საქართველოს ნებისმიერ სოფელში, ამაზე მეტ ხალხს აგროვებდა ისე, რომ არ დაურიგებია ყავა და კანფეტები.

„როდესაც ევროპაში ყველაზე დიდი ქვეყნის პრეზიდენტი თავის მხარდასაჭერად უფრო მეტი ადამიანის შეკრებას ვერ ახერხებს მთავარ მოედანზე, დროა სერიოზულად დაფიქრდეს თავის უახლოეს პერსპექტივებზე“, - წერს სააკაშვილი.

სტრასბურგი და ხვალეო!..
ქართული პრესის მიმოხილვა 23.07.2019
ვიტალი ბალა - 2019 წლის არჩევნების შედეგად უკრაინაში არ შედგა პრორუსულ ძალთა რევანში და არ გამართლდა პრორუსულ ძალთა მოლოდინი
შს მინისტრის პირველი მოადგილე - 20 ივნისს შეუძლებელი იყო რომელიმე პოლიტიკოსის იქიდან გამორიდება, მასა იყო აგრესიული და შეტევაზე გადადიოდა
თბილისში სულხან-საბა ორბელიანის უნივერსიტეტის ახალი კამპუსის და საერთო საცხოვრებლის მშენებლობა მიმდინარეობს