გიორგი მარგველაშვილი - მოითხოვეთ ქართული ნაწარმი, ამით თქვენ აძლიერებთ ჩვენს ქვეყანას და წვლილი შეგაქვთ თქვენი ახლობლების ეკონომიკურ ყოფაში

მოითხოვეთ ქართული ნაწარმი, ამით თქვენ აძლიერებთ ქართულ წარმოებას, ჩვენს ქვეყანას და თქვენი წვლილი შეგაქვთ ადამიანების დასაქმებაში, თქვენი ახლობლების, თქვენი მეგობრების ეკონომიკურ ყოფაში, - ამის შესახებ საქართველოს პრეზიდენტთმა გიორგი მარგველაშვილმა კამპანია "მოითხოვე ქართულის" დასკვნით ღონისძიებაზე განაცხდა.

მარგველაშვილმა მადლობა გადაუხადა ყველა იმ ადამიანს, ვინც ქართული პროდუქციის პოპულარიზაციას ემსახურება. "უფრო მეტი მეწარმე შემოუერთდა ამ ინიციატივას. ჩვენ ამ პროცესის შუაში შევქმენით დაგროვებითი ბარათი, რომელიც უფრო მეტი პოპულარობით სარგებლობს. დღეს, როდესაც გავესაუბრე რამდენიმე მეწარმეს, მათ ერთმანეთი სწორედ ამ პროცესის ფარგლებში იპოვნეს, შექმნეს ბიზნესკავშირები და კიდევ უფრო მეტდ აძლიერებენ თავის ბიზნესს.

მადლობა მინდა გითხრათ ქართველ მეწარმეებს, ვინც ქმნით ქართულ დოვლათს. მინდა მოგიწოდოთ, რომ როდესაც მიბრძენდებით საყიდლად, მოითხოვოთ ქართული. თქვენ ამით აძლიერებთ ქართულ წარმოებას, აძლიერებთ ჩვენს ქვეყანას და თქვენი წვლილი შეგაქვთ ადამიანების დასაქმებაში თქვენი ახლობლების, თქვენი მეგობრების ეკონომიკურ ყოფაში. ახლა, წინასაახალწლო დღეებში მინდა ყველა თქვენგანის ოჯახი იყოს სავსე ხვავით და ბარაქით, იყოთ განწყობილი სადღესასწაულოდ. როდესაც საქართველოს და მის მომავალს ადღეგრძელებთ, ძალიან მინდა ეს სუფრა იყოს რაც შეიძლება ქართული პროდუქციით დამშვენებული. ამ ყოფითი პატრიოტიზმით თქვენ ძალიან მნიშვნელოვან ნაბიჯს გადადგამთ ქართული ქვეყნის სიძლიერისთვის", - განაცხადა მარგველაშვილმა.

კამპანია "მოითხოვე ქართული" 2017 წლის აპრილში დაიწყო და ჯამში მილიონ 200 ათასი ლარის პროდუქციაა გაყიდული. კამპანიის ფარგლებში მოეწყო 6 გამოფენა, აქედან ერთი პოლონეთში. კამპანიის მიზანი ქართული პროდუქციის პოპულარიზაციაა.

კამპანიის ფარგლებში ჩატარებული კონკურსის გამარჯვებულები შორენა კვირკველია, გოგა ჩანადირი და ანა ვარდოშვილი გახდნენ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს