ავტოსაგზაო შემთხვევა მოხდა ცოტა ხნის წინ რუსთავში, თბილისის ქუჩაზე. გადაჭარბებული სიჩქარით მიმავალი "შკოდას" მარკის მსუბუქი ავტომანქანა გზის სავალი საწილიდან გადავიდა და შენობის კედელს დაეჯახა. შეჯახების შედეგად ავტომობილს ცეცხლი გაუჩნდა, თუმცა მძღოლმა გადმოსვლა მოასწრო. წინასწარი ინფორმაციით, შეჯახებისას ავტომანქანაში მხოლოდ მძღოლი იჯდა, მან სხეული მსუბუქი დაზიანება მიიღო. ადგილზე მობილიზებული იყო ხანძარსაწინააღმდეგო სამსახური, საპატრულო პოლიცია, სასწრაფო სამედიცინო დახმარების ბრიგადა. ცეცხლის შედეგად მთლიანად დაიწვა ავტომანქანა, დაშავებული მძღოლი კი კლინიკა ,,რუსთავში" გადაიყვანეს. როგორც ,,ინტერპრესნიუსს" შსს-ში განუცხადეს, სისხლის სამართლის საქმე 276-ე მუხლის პირველი ნაწილით აღიძრა.