ქართველი დიპლომატი, რომლის მეუღლე კონტრაბანდისთვის უკრაინაში დააკავეს, როტაციიდან გამოწვეული იქნება, - ამის შესახებ "ინტერპრესნიუსს" საქართველოს საგარეო საქმეთა სამინისტროში განუცხადეს.
"გიდასტურებთ, რომ საქართველოს მოქალაქის მხრიდან, რომელიც ფლობდა დიპლომატიურ პასპორტს, უკრიანის ტერიტორიაზე ადგილი ჰქონდა კანონდარღვევას. ეს ადამიანი უწყების თანამშრომელი არ გახლავთ. იგი არის დიპლომატის მეუღლე. უკრაინელმა სამართალდამცველებმა მის მიმართ გაატარეს შესაბამისი ღონისძიებები. მას დაეკისრა ადმინისტრაციული სახდელი. რამდენიმე თვეში გაიმართება სასამართლო პროცესი და დადგინდება ადმინისტრაციული ჯარიმის ოდენობა",- აცხადებენ საგარეო უწყებაში.
შეგახსენებთ, რომ უკრიანელმა მესაზღვრეებმა გამოავლინეს დიპლომატიური პასპორტის მქონე საქართველოს მოქალაქე, რომელიც უკრაინის საზღვარზე კონტრაბანდული სიგარეტის გადატანას ცდილობდა.