სასტუმრო "რუმს თბილისში" არსებული ვითარების გასაცნობად შემთხვევის ადგილზე დედაქალაქის მერი კახა კალაძე მივიდა.მას ჟურნალისტებთან კომენტარი ჯერჯერობით არ გაუკეთებია.
როგორც „ინტერპრესნიუსის“ კორესპონდენტი შემთხვევის ადგილიდან იტყობინება, შენობის გარე ფასადზე ხანძარი არ შეინიშნება და სავარაუდოდ ცეცხლი სასტუმროს შიდა მხარესაა გაჩენილი.
როგორც "ინტერპრესნიუსს" საგანგებო სიტუაციების მართვის სამსახურში განუცხადეს, ადგილზე მობილიზებულია 15 სახანძრო მანქანა და მიმდინარეობს ხანძრის ლოკალიზების სამუშაოები. მოქალაქეები "სასტუმროდან" ევაკუირებულნი არიან. ამ დროისთვის არსებული ინფორმაციით, ხანძრის შედეგად არავინ დაშავებულა.