წინასწარი ინფორმაციით, "რუმს თბილისში" ცეცხლი მეხუთე სართულდან გავრცელდა

წინასწარი ინფორმაციით, სასტუმრო "რუმს თბილისში" ცეცხლი მეხუთე სართულდან გავრცელდა. კონკრეტულად რამ გამოიწვია ხანძარი, ამ ეტაპზე უცნობია. მეხანძრეები ამჟამადაც ხანძრის ლოკალიზებას ცდიილობენ.

ადგილზე არსებულ ვითარებას დედაქალაქის მერი კახა კალაძე ეცნობა. სასტუმრო "რუმს თბილისთან" ის ცოტა ხნის წინ მივიდა. მას ჟურნალისტებთან კომენტარი ჯერჯერობით არ გაუკეთებია.

როგორც „ინტერპრესნიუსის“ კორესპონდენტი შემთხვევის ადგილიდან იტყობინება, შენობის გარე ფასადზე ხანძარი არ შეინიშნება. ადგილზე მობილიზებულია 15 სახანძრო მანქანა. მოქალაქეები "სასტუმროდან" ევაკუირებულნი არიან. ამ დროისთვის არსებული ინფორმაციით, ხანძრის შედეგად არავინ დაშავებულა.