"დინამოს" სტადიონის მახლობლად საცხოვრებელ ბინაში ხანძარია

"დინამოს" სტადიონის მიმდებარე ტერიტორიაზე, საცხოვრებელი კორპუსის ერთ-ერთ ბინაში ხანძარი გაჩნდა. როგორც "ინტერპრესნიუსს" საგანგებო სიტუაციების მართვის სამსახურში განუცხადეს, ადგილზე მობილიზებულია 5 სახანძრო-სამაშველო ბრიგადა და მიმდინარეობს ცეცხლის ლიკვიდაციის სამუშაოები. შესაძლო დაშავებულთა შესახებ ინფორმაცია ჯერჯერობით ცნობილი არ არის.