გიორგი გახარია ნარკოპოლიტიკაზე - კანონი გარკვეულ ნაწილში არის რეპრესიული, მაგრამ ეს არ ნიშნავს, რომ სრული დეკრიმინალიზაცია უნდა მოხდეს

დღეს არსებული კანონი გარკვეულ ნაწილში არის რეპრესიული, მაგრამ ეს არ ნიშნავს, რომ სრული დეკრიმინალიზაცია უნდა მოხდეს, - ამის შესახებ შს მინისტრმა გიორგი გახარიამ „იმედის კვირის“ ეთერში, ნარკოპოლიტიკაზე საუბრისას განაცხადა.

„საკონსტიტუციო სასამართლოს მიერ ბოლო პერიოდში მიღებული გადაწყვეტილებები ახალ სტატუს-კვოს ქმნიან. რა თქმა უნდა, ჩვენ ვეთანხმებით კანონის შეცვლის ინიციატორებს იმაში, რაც შეეხება ნარკომომხმარებლის შემოწმების ან ნარკოდანაშაულის სასჯელის უფრო ჰუმანურად გახდომის ნაწილს. აქ პროგრესი გვჭირდება. ჩვენ ვაპირებთ გამოვიკვლიოთ საზოგადოებრივი აზრი ამ საკითხებთან დაკავშირებით. შს სამინისტროს ძირითადი ამოცანა ამ მიმართულებით გახლავთ ნარკოდანაშაულთან ბრძოლა. ისეთი მძიმე დანაშაულები, როგორიცაა ნარკოტრაფიკი და ნარკოტიკების გავრცელება, ეს ის დანაშაულებია, რომელთანაც უნდა იყოს აბსოლუტურად მკაცრი ბრძოლა. მაგრამ ჩვენ გვაქვს რამდენიმე შეკითხვა, მაგალითად სად გადის ზღვარი მძიმე ნარკოტიკების კონტექსტში მოხმარებასა და მოხმარების წახალისებას შორის; არის თუ არა ეკონომიკურად ჩვენი საზოგადოება მზად, რომ ეს ცვლილება მიიღოს“, - განაცხადა გახარიამ.

მისივე თქმით, ყველანაირი საკანონმდებლო ცვლილება, რომელიც შემდეგ უნდა აღასრულოს შს სამინისტრომ, საზოგადოებასთან ახლო ურთიერთობის გარეშე შედეგს ვერ მიაღწევს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს