გიორგი გახარია - კრიმინალური მენტალიტეტის სუბკულტურის შემორჩენილი კომპონენტები არის პრობლემა

კრიმინალური მენტალიტეტის სუბკულტურის შემორჩენილი კომპონენტები არის პრობლემა, - ამის შესახებ შს მინისტრმა გიორგი გახარიამ „იმედის კვირისთვის“ მიცემულ ინტერვიუში განაცხადა.

მისი თქმით, ზემოაღნიშნული პრობლემაა იმიტომ, რომ ეს გახლავთ ორგანიზებული დანაშაულის წყარო და, სამწუხაროდ, მსგავსი წყარო ჯერ კიდევ არის შემორჩენილი.

„აქაც ძალზედ მნიშვნელოვანი კომპონენტი გახლავთ, საზოგადოებასა და სამართალდამცავს შორის ნდობისა და შემდგომი თანამშრომლობის აღდგენა. აქ, ერთმნიშვნელოვნად, ყველა მხრიდან უნდა იყოს გააზრებული, რომ საზოგადოების უსაფრთხოება არის ჩვენი პირადი და ყველა მოქალაქის ინტერესი. შესაბამისად, აქ გაუცხოებას ადგილი არ უნდა ჰქონდეს. რა თქმა უნდა, ჩვენ, როგორც შინაგან საქმეთა სამინისტრო, როგორც საპოლიციო სისტემა, უნდა ვიყოთ მაქსიმალურად გახსნილი. იქ, სადაც ჩვენი თანამშრომლის ან ჩვენი სისტემის რომელიმე წარმომადგენლის გადაცდომას ექნება ადგილი, ღიად უნდა შევხედოთ და ღიად მოვახდინოთ ამაზე რეაგირება, თუმცა საზოგადოების, მოქალაქეების მხრიდან უნდა მოვითხოვოთ, ამ ერთობლივ საქმეში შესაბამისი მონაწილეობა. კრიმინალური მენტალიტეტი ჩვენთვის პრობლემა არის იმდენად, რამდენადაც ეს ერთმნიშვნელოვნად ორგანიზებული დანაშაულის წყაროა. ეს არის პრობლემა და ამის გადალახვა გახლავთ შინაგან საქმეთა სამინისტროს საკვანძო ფუნქცია“, - განაცხადა გახარიამ.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა