თურქეთში საქართველოს მოქალაქე მოკლეს. დავით ალხანაშვილს ქალაქ სტამბულში ცეცხლსასროლი იარაღით ოთხი ჭრილობა მიაყენეს, რის გამოც ის ადგილზე გარდაიცვალა.

როგორც „ინტერპრესნიუსისთის“ გახდა ცნობილი, შემთხვევა შაბათს, ერთ-ერთ რესტორანში მოხდა. 36 წლის მამაკაცი პანკისის ხეობიდან არის, მშობლები კი თელავის სოფელ შალაურში ცხოვრობენ.

ალხანაშვილის ოჯახი ფაქტს ადასტურებს, თუმცა, სხვა დეტალებზე მედიასთან არ საუბრობს. როდის გადმოასვენებენ გარდაცვლილს, ამ ეტაპზე უცნობია.