ქსელზე ახალი აბონენტების მიერთების მიზნით, თბილისის ზოგიერთ ქუჩას, 25 დეკემბერს, ელექტრომომარაგება დროებით შეეზღუდება.
როგორც „ინტერპრესნიუსს“ კომპანია „თელასიდან“ აცნობეს, 10:00-დან 14:00 საათამდე შეზღუდვა შეეხება დიღმის მასივის III კვარტლის და რობაქიძის გამზირის (ნაწილობრივ) მაცხოვრებლებს; 10:30-დან 14:00 საათამდე - ქეთევან დედოფლის გამზირს (ნაწილობრივ); 15:00-დან 18:00 საათამდე - აეროდრომის დასახლების, ხომლელის, ჯავახეთის და კალოუბნის ქუჩების მცხოვრებლებს.
კომპანია მომხმარებლებს შექმნილი დისკომფორტის გამო ბოდიშს უხდის. აბონენტებს ელექტრომომარაგება სამუშაოების დასრულების შემდეგ აღუდგება.