სვეტიცხოვლის ტაძარში პატრიარქის ინტრონიზაციის 40 წლის იუბილესთან დაკავშირებით სადღესასწაულო ლიტურგია მიმდინარეობს

სვეტიცხოვლის საკათედრო ტაძარში სრულიად საქართველოს კათოლიკოს- პატრიარქის, ილია მეორის ინტრონიზაციის 40 წლის იუბილესთან დაკავშირებით სადღესასწაულო ლიტურგია მიმდინარეობს.

წირვას სრულიად-საქართველოს კათოლიკოს-პატრიარქი, უწმინდესი და უნეტარესი ილია მეორე მღვდელმთავრებთან, ტაძრის მღვდელმსახურებთან და ჩამოსულ სასულიერო სტუმრებთან ერთად აღავლენს. სვეტიცხოველში ასევე იმყოფებიან სხვადასხვა ეკლესია-მონასტრის ბერ-მონაზვნები და სასულიერო პირები. სტუმრები კი ძირითადად რუსეთის ეკლესიიდან არიან ჩამოსული.

ტაძარში უკვე იმყოფება საქართველოს პრემიერ-მინისტრი გიორგი კვირიკაშვილი მეუღლესთან ერთად. სვეტიცხოველში მთავრობის სხვა წევრებსაც ელოდებიან.

ლიტურგიის დასრულების შემდეგ კათოლიკოს-პატრიარქი მრევლს ტრადიციული ქადაგებით მიმართავს და დღევანდელ დღეს მიულოცავს.

უწმინდესს დღევანდელ დღეს პრემიერი სვეტიცხოველში მიულოცავს და ტაძარში შეკრებილ საზოგადოებას მიმართავს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს