ვიეტნამის ხელისუფლებამ ქარიშხალ „ტემბინის“ მიახლოების გამო, 650 ათასი ადამიანის ევაკუაცია განახორციელა

ვიეტნამის ხელისუფლებამ ქარიშხალი „ტემბინის“ მიახლოების გამო, დაახლოებით 650 ათასი ადამიანის ევაკუაცია განახორციელა. ამის შესახებ გამოცემა VnExpress იუწყება.

შაბათ ღამე ქარიშხალმა სამხრეთ ჩინეთის ზღვის ტერიტორიას მიაღწია. ვარაუდობენ, რომ ის ვიეტნამს თავს დღეს საღამოს დაატყდება. ქარიშხლის სიჩქარე საათში 25 კილომეტრს შეადგებს, ხოლო ქარიშხლის ზონაში - საათში 135 კილომეტრს.

გუშინ, ვიეტნამის პრემიერ-მინისტრმა ნგუენ სუან ფუკმა სამხრეთ პროვინციების ადგილობრივ ხელისუფლებას განკარგულება მისცა მოახლოებული ქარიშხალისთვის მოემზადონ.

ყველაზე მასშტაბური ევაკუაცია ბაკლეუს პროვინციაში მიმდინარეობს, სადაც სახლები 350 ათასმა ადამიანმა დატოვა.

აღსანიშნავია, რომ ქარიშხალ „ტემბინის“ ფილიპინებზე 200 ადამიანი ემსხვერპლა.