დედაენის ბაღში, საახალწლო ბაზრობაზე, მსჯავრდებულთა მიერ დამზადებული საახალწლო აქსესუარები იყიდება.
სასჯელაღსრულების სამინისტროს ინფორმაციით, ნებისმიერ მსურველს შესაძლებლობა აქვს პენიტენციურ დაწესებულებებში მსჯავრდებულთა მიერ სპეციალურად საახალწლო ბაზრობისთვის დამზადებული ხელნაკეთი ნივთები, ჩანთები, სხვადასხვა სახის სუვენიერები, მათ შორის, საახალწლო აქსესუარები შეიძინოს.
მსჯავრდებულების ნივთების რეალიზაციას სასჯელაღსრულებისა და პრობაციის სამინისტრო უზრუნველყოფს, ხოლო ნივთის გაყიდვიდან მიღებული თანხა მსჯავრდებულებს პირად ანგარიშზე დაერიცხებათ.
საახალწლო ბაზრობა დედაენის ბაღში 24 დეკემბრიდან 7 იანვრის ჩათვლით მოეწყობა.