საქართველოს სახელმწიფო ელექტროსისტემის ელექტროენერგიის გადაცემისა და დისპეჩერიზაციის ტარიფები გაიზარდა, - აღნიშნული გადაწყვეტილება საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ მიიღო.

სახელმწიფო ელექტროსისტემის გადაცემის ტარიფი 1 კვტ.სთ ელექტროენერგიაზე 0.872-დან 1.323 თეთრამდე გაიზარდა, დისპეჩერიზაციის ტარიფი კი ორ ეტაპად დადგინდა - 2018 წლის 1 იანვრიდან 2018 წლის 1 მაისამდე ტარიფი 1 კვტ.სთ-ზე 0.082-დან 0.092 გაიზრდება, 2018 წლის 1 მაისიდან 2020 წლის 31 დეკემბრის ჩათვლით - 0.412 თეთრამდე.

რაც შეეხება მოსახლეობისთვისთვის სამომხმარებლო ტარიფის დადგენას, საკითხზე მსჯელობა სემეკის თავმჯდომარის გადაწყვეტილებით, 27 დეკემბრამდე გადაიდო.