24 დეკემბერს, საბაჟო გამშვებ პუნქტში ,,წითელი ხიდი“, 7480 ღერი არადეკლარირებული სიგარეტის ქვეყანაში უკანონოდ შემოტანის ფაქტი გამოვლინდა.
ამის შესახებ „ინტერპრესნიუსს“ ფინანსთა სამინისტროს შემოსავლების სამსახურიდან აცნობეს. მათივე ცნობით, მებაჟე ოფიცრებმა არადეკლარირებული საქონელი აზერბაიჯანის მოქალაქის, ჯ.ა-ს ავტომობილის დათვალიერებისას გამოავლინეს.
უწყების ინფორმაციით, საქართველოს საგადასახადო კოდექსის 289 მუხლის მე-14 ნაწილის შესაბამისად, კანონდამრღვევ მოქალაქეს ჩამოერთვა არადეკლარირებული საქონელი, სატრანსპორტო საშუალება და შეეფარდა ფულადი ჯარიმა ათასი ლარის ოდენობით.