სანდრო გირგვლიანის საქმეზე მიხეილ სააკაშვილის სასამართლო პროცესი 3 იანვრამდე გადაიდო. მოსამართლე გიორგი არევაძემ დააკამაყოფილა მიხეილ სააკაშვილის ადვოკატის, სოფიო გოგლიჩიძის შუამდგომლობა სხდომის გადადებასთან დაკავშირებით.

პროცესს "ნაციონალური მოძრაობის" ლიდერები და მხარდამჭერები ესწრებოდნენ. მათ პროცესის დასრულების შემდეგ საქმის პროკურორები შეძახილებით გააცილეს. სასამართლოში შეკრებილმა მხარდამჭერებმა პროკურორებს მონები უწოდეს.

აღსანიშნავია, რომ პროკურორმა სააკაშვილის ადვოკატი სხდომის გადადების მოთხოვნის დაყენების გამო სიცრუესა და პროცესის გაჭიანურების მცდელობაში დაადანაშაულა.