მეგობარი - ზვიად რატიანს მიღებული ტრავმების გამო მეხსიერების პრობლემები დაეწყო

პოეტ ზვიად რატიანის მეგობრის, ნინო ბექიშვილის ინფორმაციით, ზვიად რატიანს მიღებული ტრავმების გამო მეხსიერების პრობლემები დაეწყო.

როგორც მან „ინტერპრესნიუსს“ განუცხადა, ცოტა ხნის წინ რატიანი შეუძლოდ გახდა, რის გამოც საავადმყოფოში გადაიყვანეს.

პოტის მეგობრის ინფორმაციით, ზვიად რატიანს დაზიანებები კიდურების გარდა, თავის არეშიც აღენიშნება.

„ტვინის შერყევით გუშინ მთელი დღის განმავლობაში დადიოდა, რის გამოც მდგომარეობა დაუმძიმდა. გარდა ამისა, სხეულზე აღენიშნება დაზიანებები. კერძოდ, ჩალურჯებები აღენიშნება ხელებსა და ფეხებზე, ამიტომ ფეხზე ვერ დგებოდა. დაზიანებები თავზეც ეტყობა. ასევე მეხსიერების პრობლემები დაეწყო. დღეს გახდა შეუძლოდ, გამოიძახეს სასწრაფო დახმარების მანქანა და საავადმყოფოში გადაიყვანეს“, - განაცხადა ნინო ბექიშვილმა.

სამართალდამცველებმა პოეტი ზვიად რატიანი ადმინისტრაციული წესით 24 დეკემბერს დააკავეს. რატიანის ინფორმაციით, დაკავების დროს მას პოლიციამ ფიზიკური შეურაცხყოფა მიაყენა, რის გამოც სხეულზე დაზიანებები აღენიშნება.

ამასთან შსს-ს ინფორმაციით, ფაქტთან დაკავშირებით ზვიად რატიანის მიმართ შედგენილია ადმინისტრაციული სამართალდარღვევის ოქმი საქართველოს ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (ხულიგნობა) მუხლებით.

თავის მხრივ, პროკურატურამ რატიანის მიმართ პოლიციელის მხრიდან უფლებამოსილების შესაძლო გადამეტების ფაქტზე გამოძიება დაიწყო.

ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
ქართული პრესის მიმოხილვა 19.02.2020
ალექსანდრე თვალჭრელიძე - ყველაზე უფრო საგულისხმოა, აშშ-ს ახლად დანიშნული ელჩის დუმილი, რაც იმაზე მიუთითებს, რომ ვაშინგტონი ყოყმანობს, რომელ პოლიტიკურ ძალაზე დადოს ფსონი
რა შესაძლებლობებს აძლევს განათლების საერთაშორისო ცენტრი საზღვარგარეთ სწავლის მსურველ საქართველოს მოქალაქეებს - ინტერვიუ ნინო ჭელიძესთან
ირაკლი გურჩიანი - ყოველი დღე განვითარების ახალი შესაძლებლობაა და ამის დასტური „ტოიოტას“ უახლესი მოდელებია
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ