აჭარის მთავრობის სახლთან სოფელ თხილნარის მკვიდრის ახლობლები საპროტესტო აქციას მართავენ

აჭარის მთავრობის სახლთან სოფელ თხილნარის მკვიდრის, ემზარ ჩოგაძის ახლობლები საპროტესტო აქციას მართავენ.

როგორც აქციის მონაწილეები აცხადებენ, ემზარ ჩოგაძეს გულზე ოპერაციისათვის 32 ათასი ლარი სჭირდება, რისი საშუალებაც ოჯახს არ გააჩნია. მათი თქმით, ოჯახმა თანხის ნაწილი შეაგროვა, თუმცა დამატებით 11 ათას ლარამდე სჭირდება, რომ ავადმყოფს ოპერაცია ჩაუტარდეს. ემზარ ჩოგაძის ახლობლები საჭირო ფინანსური რესურსის გამოყოფის თხოვნით, აჭარის მთავრობის წარმომადგენლებთან შეხვედრას ითხოვენ. მათ რამდენიმე წუთით პროტესტის ნიშნად რუსთაველის ქუჩა გადაკეტეს.

თავის მხრივ, როგორც აჭარის ჯანდაცვის სამინისტროში "ინტერპრესნიუსთან" საუბრისას განაცხადეს, ემზარ ჩოგაძეს სახელმწიფოს მხრიდან სამჯერ გაეწია დახმარება.

"ოპერაცია 40 ათასი ლარი ჯდებოდა. ოჯახმა თხოვნით მოგვმართა, აჭარის ჯანდაცვის მინისტრი კლინიკის წარმომადგენლებს ესაუბრა და 32 ათას ლარამდე დაუკლეს. სახელმწიფომ 6 ათასი ლარი გამოუყო და ამასთან გამგეობა 1000 ლარით ეხმარება. დარჩენილ თანხაზე განვადებაც კი შევთავაზეთ, თუმცა უარს აცხადებენ",- აცხადებენ აჭარის ჯანდაცვის სამინისტროში.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა