საქართველოს მთავრობა მზადყოფნას გამოთქვამს, აფხაზეთის ტერიტორიაზე აზიურ ფაროსანასთან საბრძოლველად საერთაშორისო ორგანიზაციებს დახმარება აღმოუჩინოს

საქართველოს მთავრობა მზადყოფნას გამოთქვამს, აფხაზეთის ტერიტორიაზე აზიურ ფაროსანასთან საბრძოლველად საერთაშორისო ორგანიზაციებს დახმარება აღმოუჩინოს. ამის შესახებ გარემოს დაცვისა და სოფლის მეურნეობის მინისტრმა ლევან დავითაშვილმა განაცხადა, რითაც უპასუხა "ინტერპრესნიუსის" კითხვას, რა მეთოდებით არის შესაძლებელი აფხაზეთის ტერიტორიაზე აზიურ ფაროსანასთან ბრძოლა, რომელიც საქართველოს ტერიტორიაზე მავნებლის გავრცელების ერთ-ერთი მთავარი წყაროა.

მინისტრის თქმით, იქედან გამომდინარე, რომ აფხაზეთის ტერიტორია ცენტრალური ხელისუფლების მიერ ვერ კონტროლდება, იმ მასშტაბის სამუშაოების ჩატარება შეუძლებელია, რაც ხელისუფლებამ შესაძლოა, კონტროლირებად ტერიტორიაზე განახორციელოს.

"აფხაზეთიც ერთ-ერთი მნიშვნელოვანი კერაა მავნებლის გავრცელების და საწყისი კერაა, რადგან აზიური ფაროსანა საქართველის დანარჩენ ტერიტირიაზე აფხაზეთის გავლით შემოვიდა. მოსახლეობისთვისაც და დე ფაქტო ხელისუფლებისთვისაც ეს არის აქტუალური საკითხი. ჩვენ რამდენიმე საერთაშორისო, მათ შორის ჟენევის ფორმატში, ასევე შერიგების საკითხებში სახელმწიფო მინისტრის აპარატთან ვმუშაობთ და გვაქვს კომუნიკაცია. ასევე, არსებობს რამდენიმე საერთაშორისო არასამთავრობო ორგანიზაცია, რომელსაც აქვს საშუალება აფხაზეთის ტერიტორიაზე გარკვეული ღონისძიებების გატარების. ჩვენ ასეთ ორგანიზაციებს მაქსიმალურად დავეხმარებით. ჩვენთვის ეს მნიშვნელოვანია ერთი მხრივ იმიტომ, რომ ადმინისტრაციული საზღვრის მეორე მხარეს არიან ჩვენი მოქალაქეები და მეორე მხრივ, ეს არის მნიშვნელოვანი საპრევენციო ღონისძიებები მავნებლის დასამარცხებლად. ჩვენ ამ ფორმატებში მუშაობა გვექნება ინტენსიურად. ამ პრობლემის აქტუალურობა ყველამ დაინახა და ამიტომ, პოლიტიკა შესაძლოა, გვერდზე გადაიდოს, როდესაც საკითხი ასეთი ტიპის გამოწვევებს უკავშირდება. აქედან გამომდინარე, გარკვეული შეხების წერტილები ამ მიმართულებით შეიძლება, გვქონდეს. კომუნიკაცია გვექნება და ყველანაირი დახმარებისთვის ვართ მზად. ვნახოთ, რა საშუალებები მოგვეცემა ამისთვის",- განაცხადა დავითაშვილმა.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს