შს მინისტრის მოადგილე - ზვიად რატიანი იყო ბანკომატთან, იქცეოდა საეჭვოდ

ჩვენ არ ვსაუბრობთ იმაზე, რომ რადგან პირი პოლიციას შეურაცხყოფას აყენებს, ეს რაიმე ფორმით ამართლებს პოლიციელთა მიერ უფლებამოსილების გადამეტებას, - ამის შესახებ შს მინისტრის მოადგილე ნათია მეზვრიშვილმა „ TV პირველის“ ეთერში, ზვიად რატიანის საქმეზე საუბრისას განაცხადა.

როგორც მეზვრიშვილმა აღნიშნა, რატიანის შემოწმების საფუძველი პოლიციას ჰქონდა, ვინაიდან ის იყო ნასვამი და იქცეოდა საეჭვოდ. ამასთან, შს მინისტრის მოადგილემ აღნიშნა, რომ სამართალდამცველებს აქვს ვიდეოჩანაწერი, სადაც აღბეჭდილია რატიანის ქმედებები.

„ზვიად რატიანი იყო ბანკომატთან, იქცეოდა საეჭვოდ, იმყოფებოდა ნასვამ მდგომარეობაში. არსებობდა ბატონი ზვიად რატიანის შეჩერების საკმარისი საფუძვლები. ჩვენ გუშინ საზოგადოებას ვუთხარით, რომ გვაქვს ვიდეომასალა, რომელზეც დეტალურად არის აღწერილი, როგორ უწევს რატიანი პოლიციას წინააღმდეგობას. თუმცა, ჩვენ არ ვსაუბრობთ იმაზე, რომ რადგან პოლიციას შეურაცხყოფას აყენებს, ეს რაიმე ფორმით ამართლებს პოლიციელთა მიერ უფლებამოსილების გადამეტებას. თუკი დადასტურდა გამოძიების ფარგლებში, რომ პოლიციელებმა გადაამეტეს უფლებამოსილებას, ფიზიკური შეურაცხყოფა მიაყენეს ზვიად რატიანს, შსს-ს მიდგომა იქნება ძალიან მკაცრი“, - განაცხადა მეზვრიშვილმა.

ამასთან, შს მინისტრის მოადგილე მოსახლეობას მოუწოდებს, პოლიციის კანონიერ მოთხოვნას დაემორჩილონ და ითანამშრომლონ სამართალდამცველებთან, როდესაც ისინი მოქმედებენ კანონის მოთხოვნათა სრული დაცვით.

„ვთხოვთ და მოვუწოდებთ საზოგადოებას, როდესაც პოლიციის თანამშრომელი მოქმედებს კანონის მოთხოვნათა სრული დაცვით, მათ ეკისრებათ გარკვეული ვალდებულებები, რომ პოლიციის კანონიერ მოთხოვნას დაემორჩილონ. სხვანაირად, ჩვენ იმ დიად მიზნებს, რომელსაც დანაშაულის წინააღმდეგ ეფექტიანი ბრძოლა, რასაც პოლიციის სისტემის რეფორმირება, ანალიზზე დაფუძნებული საპოლიცო საქმიანობა, რასაც დანაშაულის ეფექტიანი პრევენცია ჰქვია, ვერ მივაღწევთ. ჩვენ საზოგადოების წევრების თანამშრომლობის გარეშე, პოლიციასა და საზოგადოებას შორის მჭიდრო კავშირებისა და ნდობის აღდგენის გარეშე, ამ ფუნქციას ჩვენ ვერ შევასრულებთ“, - დასძინა ნათია მეზვრიშვილმა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
„ვისოლში“, „სმარტში“, „ვენდისსა“ და „დანკინში“ Apple Pay-ის გამოყენებით VISA ბარათებით გადახდისას მომხმარებლებს საჩუქრები ელით
"რომპეტროლის" ნავთობგადამამუშავებელმა ქარხანამ „პეტრომიდიამ“ 40 წლის იუბილე აღნიშნა