მოსკოვში სამგზავრო ავტობუსი მეტროსადგურის მიწისქვეშა გადასასვლელში შევარდა, რის შედეგადაც ხუთი ადამიანი დაიღუპა. ამის შესახებ სააგენტო „რია ნოვოსტი“ იუწყება.
არსებული ინფორმაციით, ინციდენტის შედეგად 15 ადამიანი დაშავდა.
სამართალდამცავი ორგანოები მომხდარის ორ ვერსიას განიხილავენ: ავტობუსს მანქანამ გადაუჭრა გზა ან კიდევაც ავტობუსს მუხრუჭის სისტემამ უმტყუნა.
აღსანიშნავია, რომ როგორც სააგენტო „ტასი“ წყაროზე დაყრდნობით იუწყება, გამოძიება ხალხზე განზრახ დაჯახების ვერსიას არ განიხილავს.