გიორგი აბაშიშვილი - საქართველოში სომხეთის პრეზიდენტის ვიზიტი მნიშვნელოვანია, ვინაიდან ორ ქვეყანას მჭიდრო ეკონომიკური თანამშრომლობა აქვს

საქართველოს პრეზიდენტის ადმინისტრაციის უფროსის, გიორგი აბაშიშვილის განცხადებით, საქართველოში სომხეთის პრეზიდენტის ვიზიტი განსაკუთრებით მნიშვნელოვანია, ვინაიდან ორ ქვეყანას ძალიან მჭიდრო ეკონომიკური თანამშრომლობა აქვს.

როგორც აბაშიშვილმა შესაბამისი საკითხის შეფასებისას განაცხადა, ვიზიტის ფარგლებში განიხილება სწორედ სავაჭრო-ეკონომიკური თანამშრომლობის ძირითადი საკითხები.

“ძალიან მნიშვნელოვანია, რომ ორი ქვეყნის ბიზნესმენებმა ისარგებლონ ერთმანეთის ტერიტორიების გამოყენებით სავაჭრო სფეროში, ვინაიდან ჩვენ ვთავაზობთ სომეხ ბიზნესმენებს გამოიყენონ საქართველოს ტერიტორია, შექმნან პროდუქცია და გაიტანონ დაუბეგრავად ის ევროკავშირის ბაზარზე DCFTA-ს ფარგლებში. ანალოგიურად, ჩვენი სომეხი პარტნიორები ყოველთვის აღნიშნავენ, რომ ქართველებს ასევე შეუძლიათ წარმატებით ინვესტირება და შექმნილი პროდუქციის სომხეთიდან ევრაზიულ სავაჭრო სივრცეში გატანა. სულ უფრო მზარდია ორ ქვეყანას შორის თანამშრომლობა ტურიზმის სფეროში. ყოველი წელი კიდევ უფრო მეტად დინამიური და მნიშვნელოვანია, რომ ეს მზარდი ტენდენცია გაგრძელდეს და ცხადია, საქართველო დარჩეს ყოველთვის განსაკუთრებით მიმზიდველ ქვეყნად სომეხი ტურისტებისთვის“, - აღნიშნა გიორგი აბაშიშვილმა.

სომხეთის პრეზიდენტი საქართველოს დღეს ეწვია.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს