სიღნაღის მუნიციპალიტეტში გაზგასამართი სადგური დააყაჩაღეს

სიღნაღის მუნიციპალიტეტში, სოფელ მაშნაარში მდებარე გაზგასამართი სადგური რამდენიმე პირმა დააყაჩაღა.

წინასწარი ინფორმაციით, წაღებულია თანხა, თუმცა რა რაოდენობის, ამ ეტაპზე უცნობია. ჯერჯერობით დაკავებული არავინაა.

შინაგან საქმეთა სამინისტროში აცხადებენ, რომ მიმდინარეობს საგამოძიებო მოქმედებები.

მომხდარზე გამოძიება სისხლის სამართლის 179-ე მუხლით არის დაწყებული, რაც ყაჩაღობას გულისხმობს.