საქართველოს სომხეთის პრეზიდენტი სერჟ სარგსიანი ეწვია

საქართველოში სომხეთის რესპუბლიკის პრეზიდენტის სერჟ სარგსიანისა და რიტა სარგსიანის ოფიციალური ვიზიტი დაიწყო.

სომხეთის პრეზიდენტი, ოფიციალური ვიზიტის ფარგლებში, შეხვედრებს საქართველოს პრეზიდენტთან, კათოლიკოს - პატრიარქთან, პრემიერ-მინისტრთან და პარლამენტის თავმჯდომარესთან გამართავს.

სერჟ სარგსიანის ოფიციალური დახვედრის ცერემონია საქართველოს პრეზიდენტის სასახლეში გაიმართა, სადაც შედგება ასევე საქართველოსა და სომხეთის პრეზიდენტების პირისპირ და დელეგაციებთან ერთად, გაფართოებული ფორმატის შეხვედრები.

სასახლეშივე გაკეთდება ქართველი და უცხოური მედიისათვის განცხადებები.

სერჟ სარგსიანი საქართველოს თავისუფლებისა და დამოუკიდებლობისათვის დაღუპულ მებრძოლთა მემორიალს გვირგვინით შეამკობს და მათ ხსოვნას პატივს მიაგებს.

საქართველოს პრეზიდენტის ადმინისტრაციის უფროსის გიორგი აბაშიშვილის განცხადებით, განსაკუთრებით მნიშვნელოვანია სომხეთის პრეზიდენტის ვიზიტი საქართველოში, ვინაიდან საქართველოსა და სომხეთს ძალიან მჭიდრო ეკონომიკური თანამშრომლობა აქვთ და შესაბამისად, ვიზიტის ფარგლებში განიხილება სწორედ სავაჭრო-ეკონომიკური თანამშრომლობის ძირითადი საკითხები.

"ძალიან მნიშვნელოვანია, რომ ორი ქვეყნის ბიზნესმენებმა ისარგებლონ ურთიერთ ტერიტორიების გამოყენებით სავაჭრო სფეროში, ვინაიდან ჩვენ ვთავაზობთ სომეხ ბიზნესმენებს გამოიყენონ საქართველოს ტერიტორია, შექმნან პროდუქცია და გაიტანონ დაუბეგრავად ის ევროკავშირის ბაზარზე DCFTA ფარგლებში.

ანალოგიურად, ჩვენი სომეხი პარტნიორები ყოველთვის აღნიშნავენ, რომ ქართველებს ასევე შეუძლიათ წარმატებით ინვესტირება და შექმნილი პროდუქციის სომხეთიდან ევრაზიულ სავაჭრო სივრცეში გატანა.

სულ უფრო მზარდია ორ ქვეყანას შორის თანამშრომლობა ტურიზმის სფეროში. ყოველი წელი კიდევ უფრო მეტად დინამიური და მნიშვნელოვანია, რომ ეს მზარდი ტენდენცია გაგრძელდეს და ცხადია, საქართველო დარჩეს ყოველთვის განსაკუთრებით მიმზიდველ ქვეყნად სომეხი ტურისტებისთვის", - აღნიშნა გიორგი აბაშიშვილმა.

ინფორმაციას საქართველოს პრეზიდენტის ადმინისტრაცია ავრცელებს.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს