საქართველოს საპარლამენტო დელეგაცია შანხაის პროვინციის მუნიციპალიტეტის სახალხო კონგრესის საგარეო საქმეთა კომიტეტის თავმჯდომარეს შეხვდა

საგარეო ურთიერთობათა კომიტეტის თავმჯდომარის, სოფიო ქაცარავას ხელმძღვანელობით, საპარლამენტო დელეგაცია შანხაის პროვინციის მუნიციპალიტეტის სახალხო კონგრესის საგარეო საქმეთა კომიტეტის თავმჯდომარეს შეხვდა.

როგორც ”ინტერპრესნიუსს” საქართველოს პარლამენტიდან აცნობეს, შანხაის პროვინციის კომიტეტის თავმჯდომარემ საქართველო - ჩინეთის 25-წლიანი მჭიდრო დიპლომატიურ ურთიერთობას გაუსვა ხაზი. ყურადღება გაამახვილა თავისუფალი ვაჭრობის შეთანხმებაზე, ასევე, აღნიშნა ორმხრივი ურთიერთობების პერსპექტივები და ახალი პოლიტიკური და ეკონომიკური მიზნები.

საგარეო ურთიერთობათა კომიტეტის თავმჯდომარემ, სოფიო ქაცარავამ კოლეგას საქართველოს ეკონომიკური და პოლიტიკური განვითარების შესახებ მიაწოდა ინფორმაცია და გამოთქვა სურვილი, თანამშრომლობის ახალი და აქტიური დღის წესრიგის შემუშავების თაობაზე, სადაც ასევე გათვალისწინებული იქნება ურბანული განვითარების საკითხებიც.

მხარეებმა შეხვედრაზე, სხვადასხვა ფორმატებში თანამშრომლობასა და საერთო ინტერესების შესახებ ისაუბრეს.

„ჩინეთში გავმართეთ მაღალი დონის შეხვედრები საკანონმდებლო ორგანოებში მათ შორის, შანხაის პროვინციის მუნიციპალიტეტის საგარეო ურთიერთობათა კომიტეტის თავმჯდომარესთან და მოხარული ვარ, რომ ჩინეთის მთავრობა ამგვარ ინტერესს და პატივისცემას გამოხატავს ჩვენი ქვეყნის მიმართ“, - განაცხადა სოფიო ქაცარავამ.

საქართველოს საპარლამენტო დელეგაციის შემადგენლობაში ირინე ფრუიძე, ირაკლი ბერაია და ირაკლი შიოლაშვილი არიან.

სოსო არჩვაძე - ხელისუფლებას აქვს ერთი მკაფიოდ განსაზღვრული ამოცანა - მშვიდობიანად, რაც შეიძლება მინიმალური დანაკარგებით გაიყვანოს ქართული სახელმწიფოებრიობის ხომალდი სამშვიდობოს
ქართული პრესის მიმოხილვა 26.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან