საქართველოს კონკურენციის სააგენტოს თავმჯდომარე, ნოდარ ხადური ეროვნული სასახლის მუზეუმის საზეიმო გახსნის ცერემონიალს დაესწრო.

როგორც ”ინტერპრესნიუსს” კონკურენციის სააგენტოდან აცნობეს, ნოდარ ხადურის განცხადებით, ეროვნული სასახლე არის უნიკალური შენობა, რომელიც კულტურული მემკვიდრეობის ძეგლია და საქართველოს ისტორიის წარსულსა და დღევანდელობას ინახავს.

„ეროვნული სასახლე არის უნიკალური შენობა, რომელიც 200 წლიან ისტორიას ითვლის. ადგილი, რომელიც კულტურული მემკვიდრეობის ძეგლია და ჩვენი ქვეყნის ისტორიის წარსულსა და დღევანდელობას ინახავს. ამ შენობაში აღიზარდა უამრავი ახალგაზრდა, ათწლეულების მანძილზე წყდებოდა საქართველოსათვის მნიშვნელოვანი, პოლიტიკური საკითხები. დღევანდელ დღეს ვულოცავ ყველას, ვისაც თავისი საქმით განსაკუთრებული წვლილი მიუძღვის მის საქმიანობაში. ვუსურვებ კიდევ უფრო მეტ წარმატებას, წინსვლას და ბედნიერ დამდეგ შობა-ახალ წელს“, - განაცხადა ნოდარ ხადურმა.